Пра гэта ў праграме «ПіК Свабоды» расказвае Дзяніс Кучынскі, дарадца Сьвятланы Ціханоўскай у дыпляматычных пытаньнях.
Глядзіце размову на відэа цалкам
Тут фрагмэнты гутаркі
- 23 верасьня Сьвятлана Ціханоўская брала ўдзел у дэбатах на палях Генэральнай Асамблеі ААН аб сытуацыі з палітвязьнямі. Для нас было важна зрабіць пытаньні палітвязьняў прыярытэтнымі. Мы хочам большай актыўнасьці ад структураў ААН і большай заангажаванасьці ў гэтым пытаньні.
- Мы хочам давесьці тое, што Беларусь — гэта важны геапалітычны чыньнік у сучаснай сытуацыі ў сьвеце, і менавіта праз вывад Беларусі з вайны ва Ўкраіне можна атрымаць важную зьмену для бясьпекі Эўропы.
- На сустрэчы з кіраўніком дыпляматыі Эўразьвязу Жузэпам Бурэлем Сьвятлана Ціханоўская падкрэсьлівала, што варта разьмяжоўваць рэжым і беларусаў, не абмяжоўваць беларусаў у перасоўваньні. Мы размаўлялі пра магчымасьць зрабіць бясплатнымі візы для беларусаў ва ўзросьце да 25 гадоў, а таксама пра тое, каб беларусы ўсё ж мелі магчымасьць уяжджаць у Эўразьвяз на сваіх аўтамабілях зь беларускімі нумарамі. З боку Бурэля разуменьне па гэтых пытаньнях ёсьць.
- У ЗША мы працуем як з рэспубліканцамі, гэтак і з дэмакратамі. Падчас апошняга візыту ў ЗША ў ліпені я меў сустрэчы з дарадцамі па нацыянальнай бясьпецы Джэймза Вэнса, кандыдата ў віцэ-прэзыдэнты ад Рэспубліканскай партыі, і з сэнатарамі-рэспубліканцамі. Мы спадзяёмся, што незалежна ад таго, хто пераможа на прэзыдэнцкіх выбарах у ЗША ў лістападзе, палітыка адносна Беларусі застанецца нязьменнай.
- Падчас сустрэчаў з заходнімі партнэрамі мы кажам, што кожнае ўзаемадзеяньне з рэжымам павінна залежаць ад рэальных зьменаў, у тым ліку ад вызваленьня палітвязьняў і, што таксама важна не забываць, ад спыненьня рэпрэсіяў. Каб не было такой сытуацыі, што выходзіць 100 палітвязьняў — і 100 новых палітвязьняў зьяўляецца на наступны дзень.
«ПіК Свабоды»
«ПіК Свабоды» — гэты штодзённая YouTube-праграма і падкаст, у якой журналісты Свабоды абмяркоўваюць галоўную падзею дня з палітыкамі, грамадзкімі дзеячамі, экспэртамі і аналітыкамі. Вострыя пытаньні і актуальныя камэнтары пра важныя падзеі для Беларусі і беларусаў.
Як глядзець на YouTube
Падпішыцеся на наш YouTube-канал «Свабода Premium», каб не прапусьціць ніводнага выпуску.
Як слухаць падкаст
Калі вам зручней слухаць, а не глядзець, наш праект дасяжны на асноўных падкаст-плятформах. Выберыце тую, якая падыходзіць менавіта вам.
• Наш сайт
• Apple Podcasts
• Spotify
• Soundcloud
• Podcast Republic
Чароўная спасылка — клікнуўшы на яе, вы аўтаматычна трапіце на адну з папулярных плятформаў.
Форум