Ізраіль амаль 80 год жыве ў стане пастаяннай вайны, побач зь вельмі варожымі суседзямі, але яму ўдаецца быць адной з самых свабодных і багатых краін Блізкага Ўсходу. Як гэта магчыма?
Госьць падкасту «Куды коціцца сьвет» — ізраільскі журналіст, кіраўнік блізкаўсходняга бюро RTVI, супрацоўнік 9-га каналу і ўраджэнец Беларусі Барыс Штэрн.
1:26 — Як Ізраіль зьмяніўся з 2000-х?
4:18 — Як краіна пераварвае новую буйную хвалю эміграцыі пасьля 2022 году?
6:40 — У чым сакрэт посьпеху і дабрабыту Ізраілю?
10:31 — Як Ізраілю ўдаецца падтрымліваць лідэрскія пазыцыі ў IT?
16:39 — Дзейнасьць IT-брыгадаў у ізраільскай арміі.
20:03 — Як сёньня жывуць кібуцы?
23:40 — Чаму Ізраіль стаў дарагой краінай?
29:00 — Якое месца ў жыцьці ізраільцян займае рэлігія?
33:18 — Ці адчувае прэм’ер Нэтаньягу беларускія карані?
36:06 — Як Нэтаньягу ўдаецца так доўга кіраваць?
42:57 — Як ізраільцяне ўспрымаюць апэрацыю ў Газе?
47:07 — Ці магчымыя перамовы з палестынцамі?
55:05 — Як жывуць арабы ў Ізраілі і ці канфліктуюць з габрэямі?
«Куды коціцца сьвет». Дзе глядзець і слухаць
Гэта падкаст Радыё Свабода пра асноўныя цывілізацыйныя тэндэнцыі і выклікі.
Ён для тых, хто стаміўся ад навінаў, але хоча разумець сутнасьць працэсаў у сьвеце і тое, як яны ўплываюць на жыцьцё кожнага з нас. Мы ня будзем закранаць выключна беларускіх тэмаў.
Мы глядзім на сьвет праз прызму беларусаў. Нашыя госьці — беларусы з усяго сьвету, прызнаныя экспэрты ў сваіх галінах — аналізуюць глябальныя працэсы, якія вызначаюць нашую будучыню.
Мы размаўляем зь імі пра апошнія дасягненьні ў мэдыцыне, мірныя рэвалюцыі і вайсковыя перавароты, новыя тэхналёгіі, навуковыя адкрыцьці і культурныя фэномэны, якія мяняюць карціну сьвету.
Новыя выпускі падкасту выходзяць двойчы на месяц на YouTube-канале Свабода Premium і асноўных падкаст-плятформах.
Як глядзець на YouTube
Падпішыцеся на наш YouTube-канал «Свабода Premium», каб не прапусьціць ніводнага выпуску.
Як слухаць падкаст
Калі вам зручней слухаць, а не глядзець, наш праект дасяжны на асноўных падкаст-плятформах. Выберыце тую, якая падыходзіць менавіта вам.
• Наш сайт
• Spotify
Чароўная спасылка — клікнуўшы на яе, вы аўтаматычна трапіце на адну з папулярных плятформаў.
Форум