Кніга выйшла ў выдавецтве «Янушкевіч», перакладчыца — Наста Карнацкая.
Продаж кнігі ўжо стартаваў на сайце онлайн-кнігарні «Кнігаўка», дастаўка даступная ў 45 краінаў сьвету, у тым ліку ў Беларусь.
Раман «Зьзяньне», напісаны ў жанрах жаху, псыхалягічнай драмы і гатычнай літаратуры, выйшаў у 1977 годзе і праз тры гады быў бліскуча экранізаваны Стэнлі Кубрыкам.
Дагэтуль кнігі Стывэна Кінга на беларускую мову не перакладалі. У красавіку 2023 году беларускаму выдаўцу Андрэю Янушкевічу ўдалося заключыць дамову са Стывэнам Кінгам на выданьне ягоных кніг. У плянах выдавецтва — выдаць па-беларуску як старыя, так і новыя творы Кінга.
У сакавіку 2022 году Стывэн Кінг, адзін з самых вядомых аўтараў у сьвеце, які актыўна выступае ў падтрымку Украіны, заявіў пра адмову перавыдавацца ў Расеі пасьля ўводу расейскіх войскаў на тэрыторыю Ўкраіны. Кінг — самы публікаваны пісьменьнік на расейскім рынку.
Форум