Учора ўвечары 35-гадовы Салман Э. пракраўся на тэрыторыю аэрапорта Гамбурга, адначасна абстраляўшы яго і кінуўшы два кактэйлі Молатава. Мужчына на аўтамабілі Audi без нумароў пад'ехаў да самалёта авіякампаніі Turkish Airlines і запатрабаваў завезьці яго ў Турцыю. Пасажыраў рэйса і іншых наведвальнікаў аэрапорта неадкладна эвакуіравалі.
Верагодным матывам захопу ў закладнікі чатырохгадовай дзяўчынкі называюць спрэчку аб апецы зь яе маці. Незадоўга да пранікненьня мужчыны ў аэрапорт жанчына патэлефанавала ў паліцыю і папярэдзіла аб магчымым інцыдэнце.
