У паветранай прасторы Кіева ў ноч з 12 на 13 зафіксавалі расейскія бесьпілётнікі, паведамілі ў Кіеўскай абласной вайсковай адміністрацыі.
«Сілы СПА працуюць па цэлях», — гаварылася ў паведамленьні адміністрацыі горада ў Telegram.
У некалькіх раёнах былі чуваць выбухі і гукі падзеньня абломкаў.
У Падольскім раёне падчас тушэньня ўзгараньня ў шматкватэрным жылым доме знайшлі цела загінулага, паведаміў мэр Кіева Віталь Клічко.
Ён таксама напісаў у Telegram, што ў Дарніцкім раёне ў выніку падзеньня абломкаў разбураны фасад жылога дома. Двух чалавек шпіталізавалі.
У Шаўчэнкаўскім раёне Кіева загарэўся балькон шматкватэрнага дома, у выніку чаго пацярпелі два чалавекі.
У Кіеўскай гарадзкой вайсковай адміністрацыі таксама паведамілі аб падзеньні абломкаў у Саломенскім раёне. Там дадалі, што на месцы здарэньняў выехалі экстраныя службы, інфармацыя аб пацярпелых удакладняецца.
УСУ аб’явілі паветраную трывогу ў ноч на 13 ліпеня у некалькіх рэгіёнах Украіны. Узброеныя сілы Ўкраіны папярэдзілі ў Telegram аб магчымых пусках дронаў і ракет «Калібр» з боку Расеі.
