Пра гэта заявіў генэральны сакратар Паўночнаатлянтычнага альянсу Енс Столтэнбэрг падчас брыфінгу напярэдадні сустрэчы міністраў абароны дзяржаваў NATO 15 чэрвеня.
Падчас заўтрашняй сустрэчы будзе абмяркоўвацца доўгатэрміновая праграма вайсковай дапамогі Ўкраіне.
9 чэрвеня прэзыдэнт Расеі Ўладзімір Пуцін заявіў, што разьмяшчэньне ядзернай зброі ў Беларусі пачнецца 7–8 ліпеня.
13 чэрвеня Аляксандар Лукашэнка ў інтэрвію расейскай прапагандыстцы Вользе Скабеевай заявіў, што ў Беларусі ўжо ёсьць ракеты і бомбы з Расеі: «Мы атрымалі ад Расеі. Бомба ў тры разы больш магутная, чым у Хірасіме і Нагасакі».
12 чэрвеня афіцыйны прадстаўнік Рады нацыянальнай бясьпекі ЗША Джон Кірбі адзначыў, што ў ЗША пакуль ня бачаць прыкметаў таго, што ядзерная зброя ўжо перамяшчаецца з Расеі ў Беларусь.
12 чэрвеня прэзыдэнт Польшчы Анджэй Дуда заявіў, што NATO павінна адказаць на крокі Расеі па разьмяшчэньні ядзернай зброі ў суседняй Беларусі.
