Ужо сёньня: гадавіна рэфэрэндуму, які зьмяніў сьцяг, герб і зрабіў расейскую мову другой дзяржаўнай

Дата дня

14 траўня 1995 году прайшоў першы ў гісторыі Рэспублікі Беларусь рэфэрэндум. У выніку:

• краіна зьмяніла дзяржаўную сымболіку часоў адноўленай незалежнасьці — герб «Пагоня» і бел-чырвона-белы сьцяг — на падпраўленыя савецкія сымбалі;
• расейская мова набыла статус дзяржаўнай.

Таксама на рэфэрэндуме разглядалі пытаньні эканамічнай інтэграцыі з Расеяй і права прэзыдэнта распускаць парлямэнт.

ГЛЯДЗІЦЕ ТАКСАМА:

Як змахлявалі на рэфэрэндуме пра «чырвона-зялёную» сымболіку

Таксама ў гэты дзень

1613 — мястэчка Жыровічы атрымала магдэбурскае права.

1874 — у Менску пачаў дзейнічаць першы фантан, упрыгожаны скульптурнай кампазыцыяй «Хлопчык зь лебедзем».

1948 — абвешчаная незалежнасьць Ізраілю.

1954 — у Гаазе дзяржавы — сябры ААН падпісалі «Канвэнцыю аб абароне культурных каштоўнасьцяў у выпадку збройнага канфлікту».

1955 — у Варшаве падпісалі дэклярацыю аб стварэньні Арганізацыі вайсковай дамовы. Так званая Варшаўская дамова краінаў сацлягеру існавала да 1 ліпеня 1991 году.

2011 — асуджаны на 5 гадоў турмы былы кандыдат у прэзыдэнты Андрэй Саньнікаў.

У гэты дзень нарадзіліся

1814 — Каятан Касовіч, беларускі і расейскі навуковец-усходазнаўца, першы вучоны-санскрытоляг у Расеі.

1869 — Янкель Кругер, беларускі жывапісец і пэдагог, заслужаны дзяяч мастацтваў Беларусі.

1899 — Тодар Куніцкі, лекар, адзін з заснавальнікаў Беларускага студэнцкага саюзу ў Вільні і Беларускага сялянскага саюзу.

1907 — Язэп Жыновіч, дырыжор, кампазытар і пэдагог, народны артыст БССР і СССР, прафэсар, ляўрэат Дзяржаўнай прэміі БССР.

У памяці

1873 — Міхаіл Дзьмітрыеў, дырэктар Наваградзкай гімназіі.

1939 — Павал Жаўрыд, дзяяч нацыянальна-вызваленчага руху, адзін з кіраўнікоў Слуцкага паўстаньня.

1998 — Фрэнк Сінатра, амэрыканскі сьпявак, актор і шоўмэн.