Пра гэта паведамляе партал DELFI.
Па словах ініцыятараў прапановы, гэтая абмежавальная мера не прапануе скасаваць магчымасьць атрыманьня грамадзянства Літоўскай Рэспублікі, а толькі часова прыпыніць прыём заяў і прыняцьце рашэньняў аб прыёме ў грамадзянства.
«Гэтая мера не паўплывае на атрыманьне грамадзянства па праве нараджэньня. Таксама асобы літоўскага паходжаньня або асобы, якія маюць права на аднаўленьне грамадзянства Літоўскай Рэспублікі, могуць прыбыць у Літву і падаць заяву на атрыманьне сталага віду на жыхарства. Грамадзяне Расеі і Беларусі, якія ўжо пражываюць у Літве з часовым або сталым відам на жыхарства, могуць працягваць жыць у Літве, але іх заявы аб прыёме ў грамадзянства ня будуць прымацца», — кажуць Білатайце і Кашчунас.
Паводле Кашчунаса, законапраект аб увядзеньні абмежавальных мераў у сувязі з ваеннай агрэсіяй супраць Украіны павінен быць прыняты ў Сойме ў бліжэйшы час.
