Дата дня
16 сакавіка 2014 году прайшоў арганізаваны Расеяй рэфэрэндум, па выніках якога Крым далучылі да Расейскай Фэдэрацыі. Усясьветная супольнасьць не прызнала рэфэрэндум легітымным.
Таксама ў гэты дзень
1597 — Віцебск атрымаў Магдэбурскае права.
1707 — праз аб’яднаньне каралеўстваў Англіі і Шатляндыі была ўтвораная Вялікая Брытанія.
У гэты дзень нарадзіліся
1757 — Ёсіп Казлоўскі, беларускі кампазытар, які быў таксама настаўнікам музыкі Міхала Клеафаса Агінскага. Аўтар палянэзу «Гром победы раздавайся» (на словы Гаўрыіла Дзяржавіна), які быў доўгі час гімнам Расейскай імпэрыі.
1890 — Саламон Міхоэлс, тэатральны актор і рэжысэр, забіты ў Менску ў 1948 годзе на загад савецкіх спэцслужбаў.
1946 — Мікалай Кірычэнка, актор, які таксама ўзначальваў Нацыянальны Купалаўскі тэатар.
1964 — у Менску нарадзіўся Міхал Анемпадыстаў, беларускі паэт, перакладчык, публіцыст.
У памяці
2000 — Павал Пруднікаў, беларускі пісьменьнік, які зазнаў савецкія рэпрэсіі 30-х гадоў і адлюстраваў іх у сваіх творах «Яжовыя рукавіцы» і «Пекла».
2016 — Сяргей Ханжанкоў, удзельнік антысавецкага супраціву 1960–1970-х і нацыянальна-дэмакратычнага руху 1980-х — пач. ХХІ ст., палітвязень.
