Краіна патрабуе новага пацьверджаньня страхоўкі ў караблёў, паведамляе Reuter са спасылкай на брытанскае выданьне Financial Times.
Пра тое, што Анкара пачне патрабаваць пацьверджаньня страховак у нафтавых танкераў, якія курсуюць паміж Чорным і Міжземным морам, пасьля ўвядзеньня цэнавай столі на расейскую нафту, экспэрты папярэджвалі яшчэ 17 лістапада.
Паводле эўрапейскага пакету санкцыяў, які ўступіў у сілу 5 сьнежня, страхоўка даступная толькі для танкераў, якія перавозяць нафту па цане, ніжэйшай за вызначаную столь (60 даляраў за барэль).
- Для захаваньня столі цэнаў суднаходным і страхавым кампаніям будзе забаронена працаваць з пастаўкамі расейскай нафты, калі яна будзе прадавацца па цане, якая перавышае гранічную.
- Асноўныя суднаходныя і страхавыя кампаніі знаходзяцца ў краінах «Вялікай сямёркі», што дае ім рычагі для вызначэньня лімітаванай цаны і створыць Маскве цяжкасьці для продажу сваёй нафты даражэй.
- Праз Басфор і Дарданэлы перавозіцца ў сярэднім каля 650 тыс. барэляў нафты з Расеі за суткі.
- Згодна з канвэнцыяй Мантро (Канвэнцыя 1936 году аб статусе праліву. – РС), Турэччына валодае сувэрэнітэтам над пралівамі Басфор і Дарданэлы.
