Пра гэта паведамляе ВВС са спасылкай на галоўнага пракурора суду Карыма Хана.
У групу ўваходзяць сьледчыя, крыміналістычныя экспэрты і тэхнічны пэрсанал. Яны будуць збіраць паказаньні і іншыя доказы, удакладніў пракурор.
«Гэта найбуйнейшае разгортваньне сілаў нашага офісу на месцах з пачатку яго існаваньня», — адзначыў Карым Хан.
У красавіку Карым Хан наведаў Бучу. Тады ён заявіў, што ўся Ўкраіна ператварылася ў адно суцэльнае месца злачынства.
