На касмадроме Байканур затрымалі вядомага брытанскага блогера Бэнджаміна Рыча, якія вядзе канал Bald and bankrupt, і грамадзянку Беларусі ‒ 21-гадовую «Аліну Зелупу». Пра гэта паведаміў генэральны дырэктар расейскай дзяржаўнай карпарацыі «Роскосмос» Дзьмітрый Рагозін.
Рагозін напісаў у сваім Тэлеграм-канале, што тыя нібыта арганізоўвалі «супрацьпраўныя дзеяньні». З апублікаваных здымкаў пашпартоў відаць, што прозьвішча дзяўчыны — Цэлюпа.
Касмадром Байканур месьціцца ў Казахстане. Горад Байканур — яго адміністрацыйны і жылы цэнтар. Горад разам з касмадромам арандаваныя Расеяй у Казахстану да 2050 году.
На канал Bald and bankrupt падпісаныя больш за 3 мільёны чалавек, і ён мае больш за 450 мільёназ праглядаў. Бэнджамін Рыч правёў шмат часу ў Беларусі і здымаў там некалькі дзясяткаў відэа.
