Пра гэта заявіў высокапастаўлены прадстаўнік Міністэрства абароны ЗША падчас закрытага брыфінгу ў Пэнтагоне 4 красавіка.
Паводле яго, каля 2/3 расейскіх войскаў, сканцэнтраваных вакол Кіева (усяго іх было каля 20 батальённа-тактычных груп. — РС), пакінулі гэты раён. Яны, магчыма, ужо ў Беларусі або па дарозе туды.
«Гэта не азначае, што Кіеў не знаходзіцца пад пагрозай... І гэта не азначае, што наземнай пагрозы няма. Яны яшчэ маюць добрую траціну сваіх сіл супраць Кіева. Ніхто не сьцьвярджае, што Кіеву нічога не пагражае. Мы бачым доказы таго, што яны мяняюць свой прыярытэт у бок Данбасу, дзе гэта вядзе да вялікай вайны», — сказаў прадстаўнік Пэнтагону.
Што да вайскоўцаў, якія накіроўваюцца ў Беларусь, то ў Міністэрстве абароны ЗША лічаць, што там яны могуць перагрупавацца і вярнуцца ва Ўкраіну.
