Прыкладна апоўдні 3 сакавіка жанчыны ў вопратцы нацыянальных колераў зьявіліся ў раёне станцыі мэтро «Аўтазаводзкая». Яны прайшлі па Партызанскім праспэкце, трымаючы ў руках плякат «Не — вайне» з украінскай і беларускай сымболікай і з кветкамі.
Жанчыны традыцыйна зьяўляюцца ў адным з раёнаў Менску і ідуць шэсьцем, трымаючы плякаты з палітычнымі лёзунгамі. Некаторых удзельніц падобных акцый раней затрымлівалі, але большасьці ўдавалася пасьпяхова пакінуць месца падзей.
