Дэпартамэнт абароны правоў спажыўцоў і тэхнічнага нагляду (TTJA) загадаў тэлекамунікацыйным прадпрыемствам спыніць рэтрансьляцыю пяці тэлеканалаў на тэрыторыі Эстонскай Рэспублікі: РТР Планета, НТВ Мир (таксама НТВ Мир Балтика), Россия 24, TV Centre International (TVCI), а таксама Беларусь 24, піша ERR.
Дэпартамэнт абароны правоў спажыўцоў і тэхнічнага нагляду забараніў трансьляцыю гэтых тэлеканалаў, кожны зь якіх трансьлюецца на расейскай мове, на тэрыторыі Эстоніі з прычыны перадачы гэтымі каналамі забароненай інфармацыі, у тым ліку распальваньня вайны і распаўсюду дэзынфармацыі.
Перад тым расейскія прапагандысцкія тэлеканалы трапілі пад забарону ў Латвіі.
