Пра сьмерць Генадзя Кесьнера паведаміла Беларуская асацыяцыя журналістаў.
Генадзь Кесьнер некалькі апошніх год лекаваўся ад анкалягічнага захворваньня, а памёр пасьля ініфікаваньня каранавірусам. Сёлета ён адзначыў 50-гадовы юбілей.
Быў адным зь першапраходцаў незалежнай радыёжурналістыкі ў Беларусі: на пачатку 1990-х працаваў у рэдакцыі «Беларуская маладзёжная», пазьней на «Радыё 101,2». Пазьней супрацоўнічаў з «Радыё Рацыя», нямецкамоўнымі мэдыя, у прыватнасьці з радыёстанцыяй Deutsche Welle. Да разьвіцьця хваробы супрацоўнічаў з газэтай «Новы Час», быў ляўрэатам журналісцкіх конкурсаў і ўзнагарод.
Быў адным з заснавальнікаў Беларускай асацыяцыі журналістаў. Ляўрэат журналісцкага конкурсу «Вольнае слова» і ўзнагарод за адданасьць прафэсіі.
Генадзь Кесьнер — выпускнік Менскага інстытуту замежных моваў. Па адукацыі перакладчык зь нямецкай мовы, сынхраніст, у прыватнасьці сынхронна перакладаў на расейскую мову канцлерку Нямеччыну Ангелу Мэркель.
Блізка сябраваў з памерлым ад анкалягічнага захворваньня заснавальнікам фонду «Децям Чарнобыля» Генадзем Грушавым.
