У Беларусі міліцыя будзе правяраць наяўнасьць масак і захаваньне сацыяльнай дыстанцыі

У Беларусі думаюць над рашэньнем увесьці «адказнасьць фізычных асобаў за парушэньне захадаў у папярэджаньні пашырэньня каранавірусу». Гэта можа закрануць тых, хто не трымае сацыяльную дыстанцыю, ігнаруе нашэньне сродкаў індывідуальнай засьцярогі органаў дыханьня, а таксама рэкамэндацыі ва ўжываньні антысэптыкаў і іншае. Пра гэта расказала галоўная дзяржаўная санітарная доктарка Магілёўскай вобласьці Сьвятлана Нячай.

За парушэньне санітарных нормаў 5 кіроўцаў транспартных сродкаў на Магілёўшчыне ўжо пазбавілі картак на права ваджэньня на іх маршрутах, 18 кіроўцам выдалі прадпісаньні і папярэджаньні.

Каля 60 службовых асобаў Магілёўшчыны прыцягнулі да адміністрацыйнай адказнасьці за невыкананьне правілаў на аб’ектах гандлю, грамадзкага харчаваньня, бытавога абслугоўваньня.

ГЛЯДЗІЦЕ ТАКСАМА:

У Беларусі ад 9 кастрычніка ўводзіцца абавязковае нашэньне масак і захаваньне дыстанцыі ў грамадзкіх месцах

У Менску таксама зьбіраюцца правяраць нашэньне масак і вытрымліваньне іншых захадаў у прадухіленьні распаўсюду хваробы. Як піша тэлеграм-канал Менскага гарвыканкаму, выкананьне масачнага рэжыму і сацыяльнай дыстанцыі мусяць забясьпечыць кіраўнікі прадпрыемстваў.

Праверкі будуць ладзіцца ў тым ліку з удзелам міліцыі, спачатку рэйды будуць папераджальнымі, аднак затым магчымая і адказнасьць.

ГЛЯДЗІЦЕ ТАКСАМА:

Чаму беларусам не даступныя заходнія вакцыны, а ўкраінцы свабодна імі прышчапляюцца?

Ад 9 кастрычніка ў Беларусі ўвялі абавязковае нашэньне масак і захаваньне дыстанцыі ў грамадзкіх месцах. У першую чаргу гэта датычыць грамадзкага транспарту і ўстановаў гандлю. Аднак новыя патрабаваньні выонваюць далёка ня ўсе. Кадры зь менскага мэтро і крамаў.