Салідарнасьць з Беларусьсю выказалі міністарка замежных справаў Анн Ліндэ, міністарка культуры Аманда Лінд, палітыкі ад усіх партый Швэцыі, грамадзкія дзеячы, пісьменьнікі, журналісты, прафсаюзныя актывісты, праваабаронцы, прадстаўнікі беларускай дыяспары і Народнай амбасады Беларусі ў Стакгольме.
Міністарка замежных справаў і іншыя палітыкі ў сваіх выступах падкрэсьлівалі, што Швэцыя не прызнае легітымнасьць Аляксандра Лукашэнкі і лічыць рэжым, які захапіў уладу ў Беларусі нелегітымным, незаконным і злачынным. Выступоўцы патрабавалі аднаўленьня дэмакратыі ў Беларусі, вызваленьня палітвязьняў і сумленных выбараў.
8 жніўня акцыі салідарнасьці прайшлі ў многіх краінах сьвету.
- Сотні беларусаў Польшчы, а таксама салідарныя зь імі палякі і прадстаўнікі іншых народаў правялі ў цэнтры Варшавы акцыю салідарнасьці.
Акцыя салідарнасьці ў Варшаве на гадавіну беларускіх пратэстаў
Шэсьце салідарнасьці ў памяць аб беларускіх пратэстах жніўня 2020 году прайшло ў Варшаве 8 жніўня 2021 году.
- У Лёндане беларусы выйшлі зь бел-чырвона-белымі сьцягамі.
- У Кіеве прайшла акцыя памяці Віталя Шышова і салідарнасці з Беларусьсю.
