Былі падтопленыя розныя ўчасткі дарог на поўдні і паўднёвым захадзе гораду, быў абмежаваны рух 8 тралейбусных і 11 аўтобусных маршрутаў грамадзкага транспарту, паведамілі ў Менскай гарадзкой управе МНС.
Менск, 25 чэрвеня. Патоп у Каменнай Горцы
Зь легкавога і грамадзкага транспарту, а таксама з падвальных памяшканьняў і падтопленых тэрыторыяў быў эвакуаваны 91 чалавек, зь іх 19 дзяцей.
Па ўсім горадзе транспартныя заторы, гаспадары кідаюць затопленыя машыны, стаў грамадзкі транспарт, паведамляе Наша Ніва.
Не вытрымаў дах у гандлёвым цэнтры «Грын Сіці» на вуліцы Прытыцкага — вада цурком пацякла ў краме «5 элемэнт» проста на тэхніку.
Дзяржаўтаінспэкцыя паведамляе, што лівень выклікаў падтапленьне часткі сталічных вуліц Панамарэнка, Цімашэнка, Бельскага, Шаранговіча, скрыжаваньне Партызанскага праспэкту з вуліцай Ангарскай і інш. Ведамства заклікае кіроўцаў устрымлівацца ад паездак на асабістым транспарце ў моцны дождж і паркаваць удалечыні ад дрэваў і слаба ўмацаваных канструкцый.
Уначы і заўтра раніцай на большай частцы тэрыторыі Беларусі чакаюцца навальніцы, у асобных раёнах — моцныя ліўні, шквалістае ўзмацненьне ветру парывамі да 15-20 м/с.Абвешчаны аранжавы ўзровень небясьпекі.
