Пра гэта паведаміў Рыкард Юзьвяк, брусэльскі карэспандэнт Радыё Свабода. Ён дадаў, што канчатковае рашэньне адносна сэктаральных санкцый прыме саміт ЭЗ 24–25 чэрвеня, а ў моц яны набудуць некалькімі днямі пазьней.
Раней на сваім пасяджэньні міністры замежных спраў Эўразьвязу зацьвердзілі чацьвёрты пасьля прэзыдэнцкіх выбараў 2020 году ў Беларусі пакет санкцый супраць беларускага рэжыму, у які ўваходзяць 78 чалавек і 8 арганізацый, якім замарожваюцца актывы і забараняецца выдача візаў у Эўразьвяз.
