Лінкі ўнівэрсальнага доступу

 
Кіраўніцтва нарвэскай кампаніі «Yara» абмяркуе зь беларускай дыяспарай, ці падпісваць кантракт на закупкі беларускага калію

Кіраўніцтва нарвэскай кампаніі «Yara» абмяркуе зь беларускай дыяспарай, ці падпісваць кантракт на закупкі беларускага калію


Акцыя ў падтрымку беларусаў каля сядзібы нарвэскай кампаніі Yara 27 лютага 2021 году
Акцыя ў падтрымку беларусаў каля сядзібы нарвэскай кампаніі Yara 27 лютага 2021 году

Працягваецца падпісаньне пэтыцыі з заклікам спыніць супрацу зь «Беларуськаліем».

Пэтыцыю, зьмешчаную на плятформе change.org, у апошнія дні лютага падпісалі яшчэ некалькі тысяч чалавек. Агульная лічба падпісантаў набліжаецца да 43 тысяч.

«„Беларуськалій“ ёсьць адной з асноўных крыніц фінансаваньня АМАПу Лукашэнкі, а таксама КДБ і атрадаў катаваньняў, якія нясуць адказнасьць за зьняволеньні, згвалтаваньні, катаваньні і перасьлед дзясяткаў тысяч людзей», — гаворыцца ў пэтыцыі.

Раней страйкам прадпрыемства заклікаў Yara разарваць кантракт зь «Беларуськаліем», паколькі кіраўніцтва прадпрыемства ня выканала ніводнага патрабаваньня.

У панядзелак, 1 сакавіка адбудзецца відэасустрэча беларусаў замежжа з кіраўніцтвам нарвэскай кампаніі. Удзел у ёй плянуе ўзяць і дырэктар Yara. Кіраўніцтва ў дадзены момант разважае, ці працягваць кантракт зь «Беларуськаліем».

Пэтыцыю дашлюць па e-mail у офіс кампаніі Yara і асабіста дырэктару вечарам нядзелі 28 лютага.

Ігар Лосік Кацярына Андрэева Ірына Слаўнікава Марына Золатава
XS
SM
MD
LG