Як інфармуе Тэлеграм-канал «Белые Халаты. News», сярод затрыманых Тацяна Ільіна, загадчыца аддзяленьня прамянёвай дыягностыкі РНПЦ «Кардыялёгія».
Зварот дырэктара РНПЦ у органы аховы парадку з просьбай вызваліць Ільіну, вынікаў ня даў. Пра гэта інфармуюць калегі затрыманай лекаркі.
У цяперашні час доктарка Ільіна знаходзіцца ў Маскоўскім РУУС. На выбарах яна была назіральніцай.
Таксама затрыманы лекар-анколяг Менскага гарадзкога клінічнага анкалягічнага дыспансэра Дзьмітры Буралкін. У цяперашні час ён знаходзіцца на Акрэсьціна.
Таксама сёньня затрыманая лекар-анэстэзіёляг Рэспубліканскага цэнтру дзіцячай хірургіі Сьвятлана Лазарава разам з мужам Віталём. Яны знаходзяцца ў Ленінскім РУУС Менску.
Таксама затрыманая лекар-афтальмоляг 5-й гарадзкой клінічнай паліклінікі Вольга Марханава. Калегі паведамляюць, што яна затрыманая паўторна.
У сьпісах затрыманых таксама і лекарка Іна Цяпляшына, якая раней працавала судова-мэдычным экспэртам. Яна знаходзіцца ў Маскоўскім РУУС
Абедзьве лекаркі — аднакурсьніцы Тацяны Ільіной.
Таксама сёньня затрымалі лекарку-нэфроляга Марыю Кандрацкую. Яна выходзіла з цэнтральнага гастраному каля ГУМу. Знаходзіцца ў Кастрычніцкім РУУС.
