На першым месцы ў колькасьці захварэлых знаходзяцца Злучаныя Штаты — тут заразіліся больш за 22 мільёны чалавек. На другім месцы знаходзіцца Бразылія, дзе COVID-19 з пачатку пандэміі выявілі ў 8 мільёнаў чалавек. На трэцім месцы — Расея. Там захварэлі больш за 3 мільёны чалавек.
Каранавірус новага тыпу пачаў распаўсюджвацца ў канцы 2019 году ў Кітаі. Эпіцэнтрам распаўсюджваньня стаў горад Ухань. Паводле афіцыйнай вэрсіі, успышка хваробы пачалася на мясцовым рынку, дзе гандлявалі кажанамі, якія пераносяць каранавірус. Існуе і гіпотэза аб лябараторным паходжаньні хваробы. Ва Ўхані разьмешчаны адзін з найбуйнейшых у сьвеце цэнтраў па дасьледаваньні каранавірусаў.
14 студзеня ў Кітай прыбудзе група экспэртаў Сусьветнай арганізацыі аховы здароўя (САЗ) для вывучэньня паходжаньня COVID-19. У яе ўвойдуць прадстаўнікі розных краін, у тым ліку Вялікай Брытаніі, Нямеччыны і Расеі. Раней САЗ паведамляла, што на пачатку студзеня Кітай не дазволіў уехаць яе супрацоўнікам — чальцам камісіі па вывучэньні паходжаньня каранавірусу.
