Як паведамілі агенцтву ініцыятары, «сама плятформа — гэта інструмэнт, створаны для актыўных грамадзян Беларусі, якія хацелі б заручыцца падтрымкай сваіх суайчыньнікаў і выказваць ад іх імя меркаваньне па надзённых палітычных пытаньнях. Мы ня можам і ня будзем указваць ім, якія крокі ім трэба зрабіць, але рэкамэндацыі, вядома, дамо», — адзначылі стваральнікі плятформы ў камэнтары агенцтву БелаПАН.
Уся інфармацыя на сайце ініцыятывы пададзеная на расейскай мове.
На сход мяркуецца абраць 328 прадстаўнікоў. На сайце плятформы пазначана, што «у далейшым менавіта гэтыя людзі, 328 дэлегатаў з усёй краіны, будуць адстойваць нашыя інтарэсы ў нацыянальным дыялёгу.
«Уся краіна разьбіта на віртуальныя ўчасткі, якія адпавядаюць адміністрацыйнаму падзелу Беларусі. Кандыдаты ў дэлегаты запаўняюць анкеты і вылучаюцца ад сваіх участкаў. Галасаваньне адбываецца пры дапамозе чат-бота», — тлумачаць ініцыятары.
Мяркуецца, што збор заявак ад дэлегатаў будзе праходзіць да 28 студзеня, галасаваньне — 29-31 студзеня, зь 1 па 3 лютага будуць абвешчаныя вынікі выбараў.
Паведамляецца, што «Сход» распрацавала група беларускіх праграмістаў, прадстаўнікоў бізнэсу і крэатыўнай індустрыі на валянтэрскіх пачатках.
