Рэзалюцыя была прынятая з магчымасьцю аднадзённага дапрацаваньня і тэхнічных паправак.
Як паведаміў міністар аховы здароўя Максім Сьцяпанаў, які прадставіў рэзалюцыю, урад Украіны прапануе абмежаваць да 16 дзён працу:
- установаў культуры
- забаўляльных установаў (начныя клюбы, дыскатэкі, арэнда ўстановаў для карпаратываў)
- навучальных ўстановаў: школы і ВНУ. Дзіцячыя садкі будуць працаваць
- аб’ектаў жыхарства (акрамя гатэляў і рэабілітацыйных установаў)
- спортзаляў, фітнэс-цэнтраў, басэйнаў (за выключэньнем заняткаў на адкрытым паветры і прафэсійных камандаў)
- аб’ектаў грамадзкага харчаваньня — праца дазволена толькі на вынас і дастаўку. Аднак у навагоднюю ноч установы харчаваньня будуць працаваць да 1 гадзіны ночы
- салёнаў прыгажосьці і цырульняў — змогуць працаваць толькі паводле папярэдняга запісу, не чакаючы ўнутры
- спартовых мерапрыемстваў, дазваляюцца толькі прафэсійныя, без гледачоў
- гандлю нехарчовымі таварамі (дазваляецца толькі дастаўка)
- нехарчовых рынкаў
- калядных кірмашоў
- ялінкі на плошчах — без канцэртаў, забаваў
- установам і арганізацыям рэкамэндуецца перайсьці на дыстанцыйную працу для разгрузкі офісу.
Разам з тым, паводле міністра, будзе працаваць увесь транспарт: і гарадзкі, і міжгародні.
