Гэтым разам яна размаўляе з чалавекам, голасам падобным да асабістага памочніка і былога ахоўніка Лукашэнкі Мікалая Латышонка.
З размовы вынікае, што шэраг людзей у адміністрацыі Лукашэнкі прэзыдэнта хварэе на COVID-19, але пры гэтым чыноўнікі баяцца надзець мэдычныя маскі ў прысутнасьці «шэфа».
Дагэтуль невядома, якім чынам здабытыя аўдыёзапісы і ці сапраўды гэта гавораць людзі з найбліжэйшага атачэньня Аляксандра Лукашэнкі. Радыё Свабода паспрабавала зьвязацца з Натальляй Эйсмант, але яе тэлефон не адказвае. Аднак карыстальнікі сацыяльных сетак актыўна абмяркоўваюць новы запіс.
