Калі маці Ірыны заходзіла ў пад’езд, «супрацоўнікі ЖЭС» спыталі ў яе, ці ёсьць у кватэры гарачая вада. Маці дзяўчыны адказала, што не жыве тут. Тыя зайшлі зь ёй у падʼезд, а калі яна адчыніла даччыны дзьверы, жорстка адштурхнулі сталую жанчыну. Супрацоўнік, які гэта зрабіў, прадставіўся Паўлам Сідарчуком.
У кватэры Ірыны правялі ператрус, канфіскавалі ноўтбук, тэлефон, грошы. Мяркуецца, што актывістку даставілі для допыту ў Сьледчы камітэт.
Затрыманьне і ператрус адбыліся на вачах 10-гадовага сына Ірыны.
