Затрыманыя тры журналісты газэты «Новы час», тэлеканалу «Белсат», агенцтва ТАСС.
Як паведамляе БАЖ, затрымалі траіх журналістаў «Новага часу», адзін зь іх, Дзьмітры Дзьмітрыеў, моцна пабіты, цяпер у Партызанскім РУУС. Апрача таго, схапілі журналістаў гэтай жа газэты Аляксандра Зяньковіча і Яну Трусілу, яны знаходзяцца ў Кастрычніцкім РУУС Менску.
Праваабаронцы паведамляюць пра затрыманьне:
- апэратара «Белсату» Дзьмітрыя Солтана (моцна зьбілі пры затрыманьні, білі камэрай па галаве, камэру разьбілі, цяпер у Кастрычніцкім РУУС),
- відэаапэратара Зьмітра Краўчука, які таксама супрацоўнічае зь «Белсатам».
- карэспандэнта агентцва ТАСС Юрыя Шамшура (пазьней адпусьцілі),
- журналістку Алену Ляшкевіч (пазьней адпусьцілі).
Паводле стану на 22:40, Дзьмітры Дзьмітрыеў, Аляксандар Зяньковіч, Яна Трусіла, Зьміцер Солтан і Зьміцер Краўчук застаюцца затрыманымі. Хутчэй за ўсё, яны будуць чакаць судоў у ізалятарах, удакладняе БАЖ.
