Прэсавы сакратар прэзыдэнта Расеі Дзьмітры Пяскоў заявіў, што дачыненьні Пуціна і Лукашэнкі — не галоўнае.
Ягоныя словы, сказаныя ў эфіры расейскай тэлевізіі, цытуе «РИА Новости».
«Галоўнае — гэта не дачыненьні асабіста з Аляксандрам Рыгоравічам Лукашэнкам. Галоўнае — гэта дачыненьні з братнім для нас беларускім народам», — сказаў ён.
«Ну і ёсьць пэўныя саюзьніцкія абавязкі, якія ёсьць добрай падмогай для Менску ў гэтай сытуацыі».
Пяскоў таксама выказаў перакананьне, што варыянты выхаду з крызісу ў Беларусі павінны шукаць Лукашэнка «і ягоныя калегі ў Беларусі».
«І прэзыдэнт Пуцін вельмі ўважліва падыходзіць да таго, каб штосьці не ўспрымалася як спроба паўплываць на законнага прэзыдэнта Беларусі», — заявіў ён.
