Пра гэта паведаміла агенцтва Reuters са спасылкай на камітэт замежных спраў дацкага парлямэнту.
На відэасувязі 6 кастрычніка абмяркоўвалася палітычная сытуацыя ў Беларусі і тое, як Данія можа падтрымаць беларускі народ. У пачатку сустрэчы меркаваныя супрацоўнікі Ціханоўскай паведамілі аб праблемах з камэрай на кампутары, і дацкія дэпутаты чулі толькі голас асобы, якая выдавала сябе за Ціханоўскую.
Пазьней, калі прадстаўнікі камітэту зьвязаліся з калегамі Сьвятланы Ціханоўскай, тыя сказалі, што яна не ўдзельнічала ў такой сустрэчы.
Старшыня камітэту, былы міністар замежных спраў Мартын Лідэгард, сказаў агенцтву Reuters, што незразумела, хто стаяў за падманам, але дадаў, што ёсьць прыкметы расейскай сувязі.
«Гэта можа зьявіцца ў сатырычным шоў у расейскамоўнай краіне або можа быць няўдалай спробай шпіянажу ці кепскім жартам», — пракамэнтаваў Лідэгард.
Расейскі пранкер Ваван на пытаньне Reuters пра «званок Ціханоўскай» адказаў: «Цалкам магчыма, што мы маем дачыненьне да гэтага. На наступным тыдні будзе больш падрабязнасьцяў».
