На «Маршы вызваленьня палітвязьняў» у Менску сабраліся дзясяткі тысяч, супраць іх ужылі вадамёты. Што адбываецца на 57-ы дзень пратэстаў

Правааабаронцы паведамляюць ужо пра 103 затрыманых

Праваабаронцам вядомыя імёны ўжо 103 затрыманых падчас акцый пратэсту ў дзясятку гарадоў Беларусі, сьпіс дапаўняецца.

Тым часам у Менску адкрылі ўсе станцыі мэтро.

Менск: акцыя скончылася

Амаль усе пратэстоўцы на праспэкце Дзяржынскага разышліся. Але, піша Tut.by, ідуць затрыманьні на вуліцы Сямашкі, у раёне 9-й лякарні.

Дадому да фатографкі Дар’і Сапранецкай прыяжджалі людзі ў балаклавах

Дадому да фатографкі Дар’і Сапранецкай прыяжджалі людзі ў балаклавах, але Дар’я не адчыніла дзьвярэй, паведамляе «Эўрарадыё». Да Дар’і прыехаў праваабаронца, але праваахоўнікі ўжо зьехалі — на пляцоўцы каля яе кватэры ўжо нікога няма. Сёньня ўдзень Дар’ю затрымлівалі побач з гатэлем «Юбілейны», калі яна асьвятляла пратэставы марш, але неўзабаве адпусьцілі.

Як прайшоў 57-ы дзень пратэсту ў Беларусі. ВІДЭА, ФОТА

Дзясяткі тысяч людзей прымаюць удзел у «Маршаў вызваленьня палітвязьняў» у сталіцы. З пачатку прэзыдэнцкай кампаніі колькасьць палітычных зьняволеных у Беларусі вырасла з трох да 77. Глядзіце здымкі з 57-га дня пратэстаў супраць фальсыфікацыі прэзыдэнцкіх выбараў.

Акцыі салідарнасьці зь беларусамі за мяжой