Да 25 кастрычніка Палата прадстаўнікоў чакае ад грамадзянаў прапановаў «для карэктаваньня Канстытуцыі». Дэпутаты абяцаюць іх абагульніць і прааналізаваць.
«Відавочна, што ў грамадзтве сасьпеў пэўны запыт на перамены», — сказаў 2 кастрычніка на адкрыцьці сэсіі старшыня Палаты прадстаўнікоў Уладзімер Андрэйчанка.
Паводле афіцыйнага бачаньня, перамены мусяць адбывацца ня ў выніку вулічных акцыяў, а празь зьмены ў Канстытуцыі, павышэньне ролі палітычных партыяў і «Ўсебеларускага народнага сходу».
