А палове на 11-ю ў менскім парку Дружбы народаў пачаўся дабрачынны легакаатлетычны забег.
Другое кола «Забегу свабодных» завяршыць не далі, умяшаўся АМАП, разагнаў спартоўцаў, пачаліся затрыманьні. Затрымлівалі людзі ў аліўкавай форме і масках, паведамляюць сьведкі ў мясцовых чатах.
На дыстанцыю выйшлі і дасьведчаныя бегуны, удзельнікі паўмаратонаў розных гадоў, сябры менскіх бегавых клюбаў і тыя, для каго бег у навіну. Беглі дзеці і нават сабака.
Пасля вітальнага слова пра тое, што кожны робіць той унёсак, які можа, удзельнікі сабралі добраахвотныя складкі за ўдзел. Сродкі пойдуць у фонды дапамогі пратэстоўцам, паведаміў Tut.by.
