Аляксандар Лукашэнка 24 верасьня на сустрэчы з амбасадарам Кітаю ў Беларусі Цуй Цімінам пракамэнтаваў папрокі ў таемнай інаўгурацыі з боку замежных дзяржаў, піша БелТА.
Што сказаў Лукашэнка?
«Па-мойму, паводле законаў Беларусі мы нікога не павінныя з заходніх дзяржаў і ўвогуле кагосьці папярэджваць. Гэта ўнутраная справа нашай краіны. І крытыка толькі адна: ня тое таямніца, ня тое таінства».
У Менску 23 верасьня прайшла цырымонія інаўгурацыі Аляксандра Лукашэнкі. Яна не трансьлявалася на дзяржаўным радыё і телевізіі, нягледзячы на патрабаваньні закону.
Увечары 23 верасьня ў Менску і шэрагу іншых гарадоў адбыліся масавыя акцыі пратэсту, выкліканыя інаўгурацыяй. Праваахоўныя органы жорстка дзейнічалі супраць пратэстоўцаў, у Менску ўжылі вадамёты і пярцовы газ.
