Сябра прэзыдыюму Каардынацыйнай рады апазыцыі Лілія Ўласава выкліканая на допыт у Сьледчы камітэт.
«Ужо трэці сябра прэзыдыюму Рады — Лілія Ўласава — выкліканая сёньня на 15:00 у Сьледчы камітэт», — паведаміў «Інтэрфаксу» у панядзелак іншы прадстаўнік гэтага органу Павал Латушка.
Паводле «Інтэрфаксу», Уласаву выклікалі ў якасьці сьведкі ў справе аб закліках да захопу ўлады, заведзенай Генэральнаю пракуратураю.
Раней СК дапытаў у гэтай справе Максіма Знака і Сяргея Дылеўскага.
