Кандыдатка ў прэзыдэнты Сьвятлана Ціханоўская 11 жніўня выступіла з новым зваротам да беларусаў, у якім заклікала спыніць вулічныя акцыі пратэсту, паведамляе Tut.by.
«Я, Сьвятлана Ціханоўская, дзякую вам за ўдзел у выбарах кіраўніка дзяржавы. Народ Беларусі зрабіў свой выбар. З удзячнасьцю і цеплынёй я зьвяртаюся да ўсіх грамадзян, якія падтрымлівалі мяне ўвесь гэты час.
Беларусы! Я заклікаю вас да разважлівасьці і павагі закону. Я не хачу крыві і гвалту. Я прашу вас не супрацьстаяць міліцыі, не выходзіць плошчы, каб не падстаўляць сваё жыцьцё пад небясьпеку. Беражыце сябе і сваіх блізкіх».