Лінкі ўнівэрсальнага доступу

 
«За імі сачылі». Як затрымлівалі дыджэяў, якія ўключылі песьню «Перамен» на праўладным сьвяце. Іх ужо судзяць

«За імі сачылі». Як затрымлівалі дыджэяў, якія ўключылі песьню «Перамен» на праўладным сьвяце. Іх ужо судзяць


Супрацоўнікі Палацу дзяцей і моладзі Ўладзіслаў Сакалоўскі і Кірыл Галанаў.
Супрацоўнікі Палацу дзяцей і моладзі Ўладзіслаў Сакалоўскі і Кірыл Галанаў.

Супрацоўнікі Палаца дзяцей і моладзі Ўладзіслаў Сакалоўскі і Кірыл Галанаў увечары 6 жніўня ўключылі песьню «Перемен» Віктара Цоя, перабіўшы выступ баяніста Віталя Варанко. Пасьля гэтага хлопцы паднялі ўгару рукі зь белымі стужкамі. Іх учынак людзі сустрэлі авацыямі і воплескамі.

Суд над затрыманымі пачаўся ў пятніцу 7 жніўня. Гукарэжысэраў абвінавацілі ў дробным хуліганстве і непадрадкаваньні міліцыі​. Працэс ідзе ў судзе Цэнтральнага раёна Менска па скайпу.​

У 11.20 пачаўся суд над Галанавым, на працэс прыехала прадстаўніца штабу Ціханоўскай Марыя Калеснікава.​

Кіраўнік адміністрацыі Цэнтральнага раёну ўласнаручна выключыў апаратуру, а гукарэжысэрам загадаў ісьці прэч. Нейкі час хлопцы знаходзіліся ля кінатэатру «Кіеў», пасьля чаго сышлі. Позна ўвечары стала вядома, што іх затрымалі.

«Пасьля таго, як яны пайшлі з Кіеўскага сквэру, хлопцы зайшлі ў краму, — расказаў Свабодзе сьведка затрыманьня Сакалоўскага і Галанава, які раніцай 7 жніўня прыйшоў у суд. – У краме яны заўважылі, што за імі ўжо сочаць. Выйшлі, пайшлі ў бок вуліцы Харужай. Сачэньне не спынялася. А на скрыжаваньні, ля крамы «Мілавіца», абодвух хлопцаў затрымалі і зьвезьлі».

Паводле відавочцы, усё гэта адбывалася каля 20:30. У суд Цэнтральнага раёну, дзе, як мяркуецца, сёньня будуць разглядаць справы Сакалоўскага і Галанава, іх пакуль не прывезьлі.

Прэзыдэнцкія выбары — 2020 у Беларусі. Што важна ведаць

  • Шостыя ў гісторыі сувэрэннай Беларусі выбары прэзыдэнта прызначаныя на нядзелю, 9 жніўня 2020 году.
  • 65-гадовы Аляксандар Лукашэнка кіруе дзяржавай 25 гадоў. Ніводныя прэзыдэнцкія выбары (2001, 2006, 2010, 2015), апроч першых (1994 год), не прызналі свабоднымі і справядлівымі на міжнародным узроўні.
  • Старшыня ЦВК Лідзія Ярмошына адхіліла прапановы праваабаронцаў аб дыстанцыйных прэзыдэнцкіх выбарах у час эпідэміі COVID-19, бо «часу для прыняцьця гэтых захадаў ужо няма». Лукашэнка ня бачыў падставаў пераносіць выбары праз пандэмію.
  • ЦВК зарэгістраваў 15 ініцыятыўных груп з 55 заявак.
  • Аўтару YouTube-канала «Страна для жизни» Сяргею Ціханоўскаму Цэнтральная выбарчая камісія адмовіла ў рэгістрацыі ініцыятыўнай групы, бо ён адбываў 15 сутак арышту і ня мог асабіста падаць дакумэнты. Тады сваю ініцыятыўную групу ў ЦВК заявіла жонка блогера Сьвятлана Ціханоўская.
  • 29 траўня на перадвыбарчым пікеце жонкі затрымалі Ціханоўскага і яшчэ 9 чалавек. Лукашэнка казаў пра акалічнасьці затрыманьня за 4 гадзіны да таго, як яно адбылося.
  • 11 чэрвеня ў «Белгазпрамбанку» і шэрагу іншых кампаній прайшлі ператрусы. У Камітэце дзяржкантролю заявілі, што завялі крымінальныя справы аб легалізацыі сродкаў, атрыманых злачынным шляхам, і аб ухіленьні ад сплаты падаткаў у асабліва буйным памеры. Старшыня КДК Іван Тэртэль сьцьвярджаў, што да гэтых спраў мае дачыненьне патэнцыйны кандыдат у прэзыдэнты Віктар Бабарыка. Роўна за 4 гадзіны да заявы Дзяржкантролю Аляксандар Лукашэнка расказаў пра акалічнасьці «справы „Белгазпрамбанку“».
  • 18 чэрвеня Віктара Бабарыку і яго сына, кіраўніка ініцыятыўнай групы Эдуарда Бабарыку затрымалі.
  • 14 ліпеня ЦВК зарэгістраваў кандыдатамі ў прэзыдэнты Аляксандра Лукашэнку, Сьвятлану Ціханоўскую, Ганну Канапацкую, Андрэя Дзьмітрыева і Сяргея Чэрачня. Не зарэгістравалі Віктара Бабарыку і Валера Цапкалу.
  • Ад пачатку выбарчай кампаніі праваабаронцы налічылі больш за 1300 затрыманых: удзельнікі «ланцугоў салідарнасьці», сябры ініцыятыўных груп, актывісты, палітыкі, блогеры, журналісты і проста мінакі на вуліцы. Сотні чалавек пакаралі адміністрацыйнымі арыштамі і аштрафавалі.

Ігар Лосік Кацярына Андрэева Ірына Слаўнікава Марына Золатава
XS
SM
MD
LG