Падзеі 6 жніўня ў беларускай і сусьветнай гісторыі.
Дата дня
6 жніўня 1517 году Францішак Скарына выдаў першую друкаваную беларускую кнігу ― «Псалтыр».
Нечаканы Скарына: знойдзены партрэт маленькага Францішка і яго бацькі Лукі
Таксама ў гэты дзень
1409 ― вялікі магістар Тэўтонскага Ордэну Ульрых фон Юнгінген абвясьціў вайну Вялікаму Княству Літоўскаму і Польскаму Каралеўству.
1806 ― імпэратар Франц II Габсбург, пасьля перамогі Напалеона ў бітве пад Аўстэрліцам, адмовіўся ад нямецкай кароны, такім чынам паклаўшы канец Сьвятой Рымскай імпэрыі.
1945 ― першы ў гісторыі выпадак ужываньня атамнай зброі ― бамбаваньне амэрыканцамі гораду Хірасіма ў Японіі.
У гэты дзень нарадзіліся
1840 ― Альгерд Абуховіч, беларускі паэт і перакладчык.
1928 ― Эндзі Ўоргал, выбітны прадстаўнік поп-арту і сучаснай культуры.
У памяці
1660 — памёр Дыега Вэляскес, гішпанскі мастак, адзін з найвялікшых прадстаўнікоў гішпанскага Залатога веку.
1877 — памёр Іван Насовіч, беларускі мовазнавец, лексыкограф, фальклярыст, этнограф.
