МЗС Беларусі запросіць амбасадараў Расеі і Ўкраіны ў сувязі з затрыманьнем у краіне 32 грамадзян Расеі. Пра гэта ў эфіры СТВ паведаміў дзяржсакратар Рады бясьпекі Андрэй Раўкоў.
Дзяржаўнае інфармацыйнае агенцтва БелТА 29 ліпеня паведаміла, што ўначы супрацоўнікі праваахоўных органаў Беларусі затрымалі пад Менскам 32 баевікоў замежнай прыватнай вайсковай кампаніі.
Гэта грамадзяне Расеі, ураджэнцы ўкраінскага Данбасу і адзін грамадзянін Беларусі.
