У Польшчы могуць прыняць рашэньне аб адкрыцьці межаў з 15 чэрвеня. Пра гэта са спасылкай на Польскі культурны цэнтар у Калінінградзе паведамляе агенцтва Інтэрфакс.
Каранавірус у Беларусі і ў сьвеце. Як разьвіваюцца падзеі >>
Як перадаюць, віцэ-прэм’ер Польшчы Ядвіга Эмілевіч у тэлеэфіры заявіла: з папярэдніх паведамленьняў шэрагу эўрапейскіх дзяржаў вынікае, што яны хочуць адкрыць свае межы 15 чэрвеня. Аналягічны плян мае і Польшча.
«Мы таксама мяркуем, што калі сытуацыя будзе разьвівацца ня больш хуткімі тэмпамі, чым цяпер, то пасьля 15 чэрвеня можна будзе адкрыць межы. Я кажу гэта зь вялікім запасам», — сказала Эмілевіч.
Польшча закрыла свае межы 13 сакавіка.
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ
