Пры гэтым, паводле афіцыйнай статыстыкі, сьмяротнасьць ад COVID-19 у Беларусі застаецца адной з самых нізкіх.
Прырост агульных выпадкаў захворваньня на COVID-19 у Беларусі і суседзяў за шэсьць дзён (з 24 красавіка) выглядае наступным чынам:
- Беларусь — 37%
- Расея — 35%
- Украіна — 26,5%
- Польшча — 15,8%
- Латвія — 8,6%
Графік клікабэльны: можна прыбіраць краіны і параўноўваць дзьве ці тры, для гэтага трэба націснуць на кружочкі каля краін
У Літве мэтодыку падліку агульнай колькасьці захварэлых зьмянілі. Да 28 красавіка там улічвалі не агульную колькасьць хворых, а колькасьць станоўчых вынікаў тэстаў у лябараторыях. Таму з 28 красавіка агульная колькасьць хворых у Літве зьменшылася.
Нягледзячы на вялікі рост агульнай колькасьці выпадкаў, у Беларусі, паводле афіцыйнай статыстыкі, сьмяротнасьць застаецца адной з самых нізкіх сярод суседзяў. Ніжэй толькі ў Літве і Латвіі, дзе і агульная колькасьць хворых меншая ў дзясятак разоў.
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ
