Укладаньні Беларусі ў пераадоленьне наступстваў аварыі на Чарнобыльскай АЭС за 1990-2020 гады складуць 19,2 мільярда даляраў. Пра гэта піша Interfax.by са спасылкай на начальніка дэпартамэнту па ліквідацыі наступстваў катастрофы на ЧАЭС МНС Беларусі Сяргея Шпарло.
Паводле чыноўніка, сродкі выдаткоўваюцца:
- сацыяльную абарону;
- мэдычнае забесьпячэньне;
- аздараўленьне пацярпелага насельніцтва;
- радыяцыйную абарону;
- адраснае ўжываньне ахоўных мераў;
- сацыяльна-эканамічнае разьвіцьцё пацярпелых рэгіёнаў;
- навуковае забесьпячэньне і ўдасканаленьне інфармацыйнай працы.
Спэцыялісты падлічылі, што сумарная эканамічная шкода Беларусі ад аварыі ў 1986-2016 гадах склала 235 мільярдаў даляраў у эквіваленце.
