Міністэрства антыманапольнага рэгуляваньня і гандлю (МАРГ) на 90 дзён увяло дзяржаўнае рэгуляваньне цэнаў на 26 сацыяльна значных тавараў.
Цэны будуць рэгуляваць на наступныя тавары:
- сьвежая рыба (сямейства карпавых),
- сьметанковае масла,
- пшанічная мука,
- сланечнікавы і рапсавы алей,
- кухонная соль,
- мяса (ялавічына, сьвініна, мяса курэй і куранят-бройлераў),
- адрубы і буйнакавалкавыя паўфабрыкаты,
- вараныя каўбасныя вырабы (каўбасы вараныя, сасіскі, сардэлькі),
- яйкі курыныя сьвежыя,
- мясныя і рыбныя кансэрвы,
- сухое малако,
- пастэрызаванае каровіна малако,
- кефір з каровінага малака,
- сьмятана,
- тварог,
- пітная вада ў бутэльках,
- цьвёрдае туалетнае і гаспадарчае мыла,
- запалкі,
- жаночыя гігіенічныя пракладкі,
- падгузьнікі,
- туалетная папера.
Гранічны нарматыў рэнтабэльнасьці ня можа быць большы за фактычны ўзровень рэнтабэльнасьці адпаведнага тавару ў студзені — лютым. Калі ўзровень рэнтабэльнасьці быў меншы за 10%, то цяпер ён мае 10%. Лімітавая максымальная надбаўка імпартэра — 10%.
4 красавіка МАРГ увяло рэгуляваньне цэнаў на мясныя і рыбныя кансэрвы, сухое малако, каву, пітную ваду ў бутэльках, цьвёрдае туалетнае і гаспадарчае мыла, запалкі, жаночыя гігіенічныя пракладкі і дзіцячыя падгузьнікі, туалетную паперу, а таксама мэдычныя маскі і дэзынфэкцыйныя (антыбактэрыяльныя, антысэптычныя) сродкі (у тым ліку гелі і спрэі).
У канцы лютага Лукашэнка прыгразіў вярнуць фіксаваныя цэны на сацыяльна значныя прадукты харчаваньня.
У 2016 годзе са сьпісаў «сацыяльна значных тавараў», цэны на якія рэгулявала Міністэрства гандлю, выключылі ўсе пазыцыі — каб зьнізіць адміністрацыйнае рэгуляваньне цэнаўтварэньня. З гэтага часу міністэрства можа рэгуляваць цэны на гэтыя тавары толькі пры неабходнасьці для «выключэньня значнага росту цэнаў пры ажыцьцяўленьні аналізу сытуацыі на харчовым рынку» і толькі 90 дзён на год. Сьпіс тавараў нязьменны з 2014 году, цалкам ён апублікаваны тут.
У жніўні 2019 году сьпіс «сацыяльна значных» тавараў пашырылі. Да сьпісу дадалі
- пшанічны хлеб,
- батоны з пшанічнай мукі,
- цьвёрды і паўцьвёрды сыр,
- чорную гарбату,
- бульбу,
- буракі,
- моркву,
- капусту,
- цыбулю,
- агуркі,
- памідоры,
- манныя і прасяныя крупы,
- мясныя буйнакавалкавыя паўфабрыкаты і водрубы,
- вараныя каўбасы,
- сасіскі і сардэлькі.
Раней цэны на бульбу, буракі, моркву, капусту і цыбулю маглі рэгуляваць абласныя выканкамы і Менгарвыканкам, цяпер у іх гэтыя паўнамоцтвы адабралі.
