Прэмʼер-міністры Расеі і Беларусі Міхаіл Мішусьцін і Сяргей Румас правялі тэлефонную размову.
На сайце расейскага ўраду пішацца, што яны «адзначылі дасягненьне прынцыповых дамоўленасьцяў па парамэтрах супрацоўніцтва ў нафтавай сфэры, якія ўлічваюць узаемныя інтарэсы бакоў. Рэалізацыя гэтых дамоўленасьцяў дазволіць забясьпечыць пастаўку расейскай нафты на нафтаперапрацоўчыя прадпрыемствы Рэспублікі Беларусь у поўным абʼёме і на ўзгодненых умовах».
Як паведамляе агенцтва БелТА, падчас размовы Румас падзякаваў Мішусьціну за прынятае расейскім бокам рашэньне, што беларускія грамадзяне змогуць вярнуцца ў Беларусь праз тэрыторыю Расеі, праз паветраныя і іншыя пункты пропуску.
