Беларуская чыгунка скасавала яшчэ 24 цягнікі ў Расею

18 сакавік 2020, 16:34 абноўлена 18 сакавік 2020, 17:06

Праз забарону ўезду ў Расею іншаземцаў Беларуская чыгунка з 20 сакавіка скасавала 24 цягнікі, маршруты якіх праходзілі па расейскай тэрыторыі.

Да зьняцьця абмежаваньняў з 20 сакавіка скасаваныя цягнікі: № 64/63 Менск — Новасібірск, ад 22 сакавіка — цягнікі:

Ад 23 сакавіка ня будуць хадзіць цягнікі:

Як паведаміла раней Беларуская чыгунка, цягнікі паміж Беларусьсю і Расеяй будуць хадзіць паводле ранейшага раскладу да 0 гадзін 19 сакавіка, а пасьля пачатку забароны зьмяняюцца маршруты памежных цягнікоў: яны будуць рухацца да апошняй беларускай памежнай станцыі.
Самалёты «Белавія» з 18 сакавіка па 30 красавіка ня будуць лятаць у расейскія гарады Варонеж, Краснадар, Казань, Маскву (аэрапорт Жукоўскі), Ніжні Ноўгарад, Растоў-на-Доне і Сочы. У той жа час Расея дазволіла лятаць праз сваю тэрыторыю транзытам.
Аўтобусны перавозьнік — дзяржаўнае прадпрыемства «Менсктранс» — зь вечара 17 сакавіка спыніў рэйсы ў Маскву і Санкт-Пецярбург.
Раней з прычыны закрыцьця межаў былі спыненыя пасажырскія зносіны Беларусі зь Літвой, Латвіяй, Украінай, Польшчай і Чэхіяй. Грузавыя цягнікі ходзяць у звычайным рэжыме.

Невядомы раней вірус выявілі ў кітайскім горадзе Ўхань у сьнежні 2019 году.
Афіцыйнай назвай хваробы ад новага каранавірусу з Кітаю стала COVID-19 (coronavirus disease).
Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.