Нямецкая паліцыя адзначае, што восем чалавек загінулі ўвечары 19 лютага ў двух выпадках страляніны ў горадзе Ганаў, які знаходзіцца недалёка ад Франкфурта-на-Майне.
Паведамляецца, што паліцыя шукае падазраваных, якія ўцяклі на машыне. Мясцовыя СМІ паведамляюць, што злачынцы абстралялі два кальянныя бары ў горадзе.
Празь некалькі гадзінаў пасля таго, як паліцыянты разгарнулі маштабную апэрацыю пошуку нападнікаў, целы падазраванага і яшчэ аднаго чалавека былі знойдзеныя без прыкметаў жыцьця ў яго доме ў Ганаў, паведаміла паліцыя.
Матывы страляніны пакуль невядомыя. 20 лютага паліцыя паведаміла, што інцыдэнт адбыўся каля 22 гадзін — акрамя 8 загінулых, «некалькі чалавек» атрымалі раненьні.
Як паведамляе газэта Bild, зламысьнікі пачалі бязладна страляць у два кальянныя бары, а потым адкрылі агонь па мінаках на адной з гарадзкіх плошчаў.
