У Эўразьвязе лічаць, што Босьнія і Герцагавіна пакуль не гатовая да ўступленьня ў ЭЗ і павінна больш працаваць над умацаваньнем сваіх інстытутаў, каб гарантаваць дэмакратыю і вяршэнства закону.
Выснова Рады Эўразьвязу наконт заяўкі Босьніі і Герцагавіны прынятая 10 сьнежня і апублікаваная на сайце Рады Эўразьвязу.
«Рада прызнае, што Босьнія і Герцагавіна цяпер ня ў поўнай ступені адпавядае капэнгагенскім палітычным крытэрам і патрабуе значных намаганьняў для ўмацаваньня сваіх інстытутаў, каб гарантаваць дэмакратыю, вяршэнства права, правоў чалавека і павагі і абароны меншасьцяў», — гаворыцца ў паведамленьні.
Падчас сустрэчы ў Брусэлі 15 кастрычніка 2019 году Эўразьвяз ня змог дасягнуць кансэнсусу наконт пачатку перамоваў аб сяброўстве ў ЭЗ з Альбаніяй і Паўночнай Македоніяй. Супраць выступілі Францыя, Нідэрлянды і Данія, урады якіх лічаць, што згаданыя бальканскія краіны зрабілі недастаткова пераўтварэньняў для такога кроку.
