Арганізатараў шэсьця фанатаў Макса Каржа ня будуць прыцягваць да адміністрацыйнай адказнасьці, піша Tut.by.
Адміністрацыйны працэс спынілі праз адсутнасьць складу правапарушэньня, сказала прэс-сакратар МУС Вольга Чамаданава.
Каля 20 слухачоў Макса Каржа 25 жніўня прайшліся па вуліцы Савецкай у Горадні, шэсьце было прызнана несанкцыянаванай акцыяй, пісаў S13.ru. Напярэдадні, 24 жніўня, у Менску адбыўся канцэрт Макса Каржа, на які прыйшлі каля 35 тысяч чалавек.
Корж узяў Менск. Паглядзіце, як тысячы фанатаў беларускага рэпэра зьбіраюцца на канцэрт
На выступ сьпевака з Лунінца прадалі больш за 30 тысяч квіткоў. Фанаты з усёй Беларусі і нават суседніх краінаў сабраліся каля стадыёну «Дынама» за некалькі гадзін да пачатку канцэрта. Кажуць, некаторыя нават ночылі, каб заняць лепшыя месцы.
