Фэдэрацыя прафсаюзаў Беларусі 2 траўня ўзнагародзіла Аляксандра Лукашэнку юбілейным мэдалём «115 гадоў прафсаюзнаму руху Беларусі», піша БелТА.
Узнагароду Лукашэнку перадаў старшыня ФПБ Міхаіл Орда. Ён патлумачыў, што рашэньне пра ўзнагароджаньне Лукашэнкі прыняў Прэзыдыюм ФПБ.
«Дзякуй за ўзнагароду, за тое, што ўспомнілі, што я калісьці быў прафсаюзным лідэрам, і не адзін год, узначальваў прафсаюзную арганізацыю», — сказаў Лукашэнка.
Ён адзначыў, што мэдаль будзе знаходзіцца ў музэі Палаца незалежнасьці.
