Радыё памерла? Не дачакаецеся!

30 красавік 2019, 09:30

Сыход Радыё Свабода з радыёхваляў — падзея сумная, але не трагічная. Па-першае, на тых радыёхвалях — што на кароткіх, што на сярэдніх, ужо мала хто і застаўся. Сьвет не стаіць на месцы, на зьмену радыёпрымачам прыйшлі кампутары і розныя мабільныя прылады. Выпускаць аўдыёпрадукцыю (учора яе называлі радыёперадачамі, сёньня — падкастамі, заўтра назавуць як-небудзь яшчэ) — Радыё Свабода не перастала. Таму прызначаем нашым слухачам сустрэчы ў іншых месцах.

Падсумуем: як і дзе можна слухаць Радыё Свабода пасьля 30 красавіка.

Жывы паток

Праз адмысловы разьдзел на нашым сайце
Праз спадарожнік HOTBIRD 8 (13 Degrees East); POLARIZATION: Vertical; FREQ: 12.226 GHZ; FEC: 3/4; SYMBOL RATE: 27.5 MS/s
Праз мабільны дадатак: для iPhone цi Android
Праз дадатак ці электронны сэрвіс TuneIn
Слухаць праз адкрытыя сэрвісы і рэтрансьлятары: www.liveonlineradio.net; guzei.com.

Падкасты

Праз адмысловы разьдзел на нашым сайце
На відэаплятформе Youtube;
На аўдыяплятформе SoundCloud;
У мабільных праграмах:
- iTunes
- Google Podcasts
- CastBox
- Podcast Addict
- Podcast Republic
- SoundCloud

Што такое падкаст?

Падкаст — гэта радыё, але лепшае. Гэта аўдыё- або відэаперадача, якая публікуецца ў інтэрнэце. Як і радыёперадачы, яны часта дзеляцца на цыклі, сэзоны, асобныя часткі і прысьвечаныя канкрэтнай тэме.

Падкасты значна зручнейшыя, чым радыё, бо іх можна слухаць у любы момант, без патрэбы сачыць за раскладам.

Як іх можна слухаць?

Падкасты Свабоды можна слухаць

на нашым сайце;
на відэаплятформе Youtube;
на аўдыёплятформе SoundCloud;
праз мабільныя праграмы (аплікацыі).

Для гэтага трэба спампаваць на свой тэлефон праграму (як на iOS, гэтак і на Android), знайсьці праз пошукавую сыстэму падкаст-канал, які вас цікавіць, і падпісацца на яго.

Аплікацыя сама вам паведаміць, калі зьявіцца новы выпуск падкасту. Вы можаце яго запампаваць на свой тэлефон і паслухаць у любы зручны для вас час.

А дзе можна знайсьці падкасты Свабоды?

Падкасты Свабоды даступныя ў RSS і ў такіх мабільных праграмах:

• iTunes
• Google Podcasts
• CastBox
• Podcast Addict
• Podcast Republic
• SoundCloud

Навошта слухаць, калі можна і пачытаць?

Бо падкасты можна слухаць тады, калі чытаць проста немагчыма.

У аўтамабілі, аўтобусе, цягніку. Паўсюль, дзе бракуе сьвятла чытаць
Падчас трэнаваньня ў фітнэс-залі
Падчас яды (і піцьця)
Падчас гатаваньня
Падчас шпацыру
Падчас выкананьня хатніх абавязкаў (вывешваньня бялізны, прасаваньня, мыцьця посуду)
Падчас праполваньня бульбы
На рыбе
У лазьні ці ў душы
Дадайце свае прапановы ў камэнтарах